Tilapäinen asuminen pakolaisile Töressä
2015-10-22
Tören Folkets hyysistä tullee väliaikanen asumispaikka 100 pakolaisele. Ko asuminen oon väliaikanen niin pakolaiset siirethään sitä mukhaan muihin lokaahliin.
Mikrasjuuniviraston yppmaaninkin mukhaan Kaihnuun kunta oon tarkistanu kiinteintilantheen ja täälä oon paljo tyhjiä lokaalia joita vois käyttää väliaikasina asumispaikkoina. Nämät lokaalit toimii ainoasthaan väliaikasina ratkasuina sillä aikaa ko pakolaistilane oon vaikea.
Korotettu valmius eli pereetskaappi
Kaihnuun kunta korottaa valmiuten eli pereetskaapin pakolaisten vasthaanottamisheen ja järjestää muun muassa patjoja ja suunittelee miehitystä eli pemanninkia ja ruanjakelua maholisile tulevile pakolaisasumisile.