Sök

Daniel Särkijärvi sai kulttuuristipendin

Vapaa-aika- ja kulttuurifuurymissä 5. päivä syyskuuta 2015 jaethiin Kaihnuun kunnan urheilu- ja kulttuuristipendit. 

Vapaa-aika- ja kulttuurilautakunnan puhheenjohtaja Britt-Inger Nordström (S) sai jakkaa stipendit Minna Paanasele (kulttuuri) ja Rickard ”Bulten” Johanssonile (urheilu). Kolmas stipendiaatti oli Daniel Särkijärvi, hään ei voinut olla paikan päälä ja saapi siks ottaa vasthaan stipendin 24. päivä lokakuuta ko oon tapahtuma Tornedalskultur i Kalix. 

Daniel Särkijärven motiveerinki:

”Daniel oon rohki kiinostunu kulttuurista ja vettää näitä kysymyksiä aktiivisesti. Hään tekkee jatkuvaa kehitystä kulttuurikysymyksien parissa, etenki kläppikulttuurin ja meänkielen puolesta Kaihnuun kunnassa. Daniel oon kans kääntäny Barbro Lindgrenin kläppikirjan Max balja meänkielele.”

Senast uppdaterad: 2015-09-08 09:07

Relaterade nyheter

Seniooriaktiviteettija

2018-02-26 - Seniooriaktiviteetit suomen- ja meänkielisile alkaa 5. marssia kello 10 Kaihnuun pipliuteekissä. Tule sieki fölhjyyn. Tervetuloa!

Läs mer

Tornionlaaksolaisten päivää fiirathaan Vassholmenila

2017-07-10 - Tule sieki fölhjyyn Vassholmenile 15. jyyliä fiirahmaan meän päivää! Alotama flakun hissauksela klo. 12.00, sitte oon kläppileikkijä, Vilho Lahtela soittaa haitaria ja täälä tarjothaan kahvia ja kahvijuustoa! Tervetuloa!

Läs mer

Tilapäinen asuminen pakolaisile Töressä

2015-10-22 - Tören Folkets hyysistä tullee väliaikanen asumispaikka 100 pakolaisele. Ko asuminen oon väliaikanen niin pakolaiset siirethään sitä mukhaan muihin lokaahliin. 

Läs mer

Vuen Tornionlaakson kulttuuri Kaihnuussa lähestyy!

2015-10-21 - Tule sieki fölhjyyn nauttimhaan tornionlaakson kulttuurista lauantaina 24 oktuuperia. 

Läs mer

Ruottinsuomalainen föörelääsari Terhveysmessuila

2015-09-22 - Andreas Ali Jonasson oon toisen sukupolven ruottinsuomalainen ja hään kertoo humoristisesti miten hään aikusena oppi oman minuriteettikielen, suomen. Hään nostaa kielen merkityksen ihmisen itenttiteetile ja ittetunnole.

Läs mer

Minuriteettikielet saava vahveman ställninkin koulussa

2015-08-21 - Syystärmiinistä 2015 alkaen enemän oppilhaita saava maholisuuksen lukea minuriteettikieltä äitinkielenopetuksen raamissa. Lainmuutos poisti vaatimuksen ette yhelä lapsen huoltajala pittää olla kieli äitinkielenä ja ette oppilhaala pittää olla kielen perustiiot.

Läs mer

Suomen- ja meänkielisiä ostosförslaakia pipliuteekhiin

2014-06-09 - Nyt tet voitta vaikuttaa mitä materiaalia pipliuteekhiin tilathaan näilä kielilä. 

Läs mer