Puolusta temokraatiita - äänestä vaalissa 2026!

Etukätheisäänestys

Etukätheisäänestys alkaa 18 päivää ennen vaalipäivää, elikkä 26 elokuuta ja jatkuu vaalipäihvään 13 syyskuuta asti. Etukätheen voipi äänestää missä tahansa Ruottissa, ko sulla vain oon voimassa oleva lekitimašuuni myötä. Kaihnuussa äänioikeutetut voiva äänestää seuraavissa paikoissa ja aijoila:

Galleria Kalix

• 26–28/8 keskiviikko–perjantai kello 10–16
• 29/8 lauantai kello 10–15
• 30/8 sunnuntai kello 12–15
• 31/8–4/9 maanantai–perjantai kello 10–16
• 5/9 lauantai kello 10–15
• 6/9 sunnuntai kello 12–15
• 7–9/9 maanantai–keskiviikko kello 10–16
• 10–11/9 tuorestai–perjantai kello 10–20
• 12/9 lauantai kello 10–15

 

Kunnantalo, Nygatan 4

(sishäänkäynti pärsunaaliparkkeerinkilta)

• 13/9 sunnuntai kello 8–20

Tören folkets hyysi, Köpmanvägen 20

• 26–28/8 keskiviikko–perjantai kello 10–16
• 31/8–4/9 maanantai–perjantai kello 10–16
• 5/9 lauantai kello 10–15
• 6/9 sunnuntai kello 12–15
• 7–9/9 maanantai–keskiviikko kello 10–16
• 10–11/9 tuorestai–perjantai kello 10–20
• 12/9 lauantai kello 10–15

 

Uutta tälle vuele – Ennakkoäänestys kylissä seuraavasti, pitemmät aukioloaijat:

Bondersbyn kotiseututalo ja Morajärven kyläkonttori

• 29/8 lauantai kello 10–16

Björkforsin klubitalo ja Vitvattnetin koulu

• 30/8 sunnuntai kello 10–16

Karlsborg, Erikörin tupa ja Pålängen koulu

• 5/9 lauantai kello 10–16

Båtskärsnäsin kansantalo ja Ryssbältin kylätupa

• 6/9 sunnuntai kello 10–16

Äänestä vaalipäivänä

Vaalipäivänä 13 syyskuuta voipi äänestää monessa paikkassa ympäri Kaihnuun kuntaa. Tietoa siittä mikä oon sinun vaalilokaali löytyy sinun äänestyskortista, joka lähätethään joko sinun kansankirjaosotheesheen eli turvalisheen tikitaalisheen preiviloohvaan esimerkiksi Kivra eli Min myndighetspost.

Samtliga vallokaler har öppet klockan 8–20. Här hittar du adresser till samtliga vallokaler:

• Gammelgårdenin kylätalo, Gammelgården 112
• Innanbäckenin koulu, Lappkullevägen 57
• Kaihnuun folkets hyysi, Köpmannagatan 25
• Seurakuntatalo, Kyrkogatan 1A
• Furuhedin koulu, Furuhedsvägen 4 (sishäänkäynti Stationsgatan)
• Sangiksen koulu, Skolvägen 6
• Risön kotiseututalo, Skolvägen 36
• Djuptjärnin koulu, Syrenstigen 6
• Tören folkets hyysi, Köpmanvägen 20
• Ytterbyn koulu, Skolvägen 4

Muista ottaa myötä voimassa olevan lekitimašuunin äänestämisheen

Huomioi, sulla ei tartte olla myötä äänestyskortti ko äänestät. Mutta äänestyskortissa, joka lähätethään joko sinun kansankirjaosotheesheen eli turvalisheen tikitaalisheen preiviloohvaan esimerkiksi Kivra eli Min myndighetspost, lukkee mikä oon sinun vaalilokaali.

Voit äänestää monela eri laila

Äänestys postipalvelun kautta taaja-asutuksen ulkopuolela (aikasemmin maalaispostinkantaja)

Voit niin ko aiemminki äänestää postipalvelun kautta taaja-asutuksen ulkopuolela. Informašuunia löyät Vaaliviraston kautta.

Äänestys pyytin kautta

Äänestäminen pyytin kautta etelyttää pyytin, toistajan, vaaliseetelit, vaalikuertit ja ulkokuertin. Toistaja ja pyyti ei voi olla sama henkilö. Materiaalia pyytiäänestyksheen voipi hakea kaikista äänestyspaikoista.

Kiertävä äänittenvasthaanottaja

Se joka saihrauen, iän taikka toimintarajotuksen takia ei itte pääse äänestyspaikale, voipi jättää vaaliseetelin kiertävälle äänittenvasthaanottajale. Äänittenvasthaanottajan tillaat Kaihnuun kunnan vaalikanslian kautta, telefooninumero 076-7754723, viimisthään 13. syyskuuta, kello 16.00.

Vaalikyytit

Äänestäjät, jokka asuva meän kunnassa ja toivova kyytin vaalilokaalhiin vaalipäivänä 13 syyskuuta, voipi ilmottaa sen Kaihnuun kunnan vaalikanslihaan, telefooninumero 076-7754723, viimisthään perjantaina 11. syyskuuta, kello 12.00.

Lissää informašuunia

Tavalisia kysymyksiä ja informašuunia muun rinnala ulkomailla asuville, äänioikeuesta, laki ja säännöt, infoa muila kielilä, helppoluettu ruotti ja viittomakieli löytyy Vaaliviraston veppipaikasta www.val.se taikka Vaaliviraston Vaali-informašuunista telefooninumerosta 020-825 825.

Lopulinen äänittenräknääminen

Julkinen yhtheenräknääminen tehhään keskiviikkona 16 syyskuuta kello 08.00 Kaihnuun kunnantalossa, Nygatan 4, Kalix.