Infosentteri

Kesäkuun 5. päivä Kaihnuun kunnantalola inviikathiin uuen infosentterin. Päätavotheena oon ette antaa asukhaile parempaa ja laajempaa palvelua. Infosentteri vastaa ylheishiin kysymykshiin, opastaa oikehaan tiethoon, henkilhöön tai toiminthaan ja auttaa löytämhään veppipaikala.

Palvelu minuriteettikielelä

Uuela infokeskuksela oon kans tärkeä rooli suomen- ja meänkielisile ko sen kautta voipi käyttää ommaa kieltä ko oon kunnan kans yhteyessä. Hallintokuntana Kaihnuun tehtävänä oon tua näkösile ja eistää näitä molempia minuriteettikielijä.

Auttakaa meitä kehittymhään

Infosentterin kehitys alkaa ja tähän met tarttema teän apua. Otama kiitollisesti vasthaan förslaakija ja mielipitheitä suulisesti eli e-postin ja ”anna palautetta” - loovan kautta - joka oon väntrymmissä. Lämpimästi tervetuloa!

Infosentteri, Kaihnuun kunta

infocenter@kalix.se

        
  • Skapad: 2014-06-23
  • Senast ändrad: 2014-06-23
  • Sidansvarig: Webmaster